Сүлүктүдө калктын аялуу катмарына жардам бериле баштады

296

Сүлүктүдө калктын аялуу катмарына жардам берүү колго алынды. Бул боюнча Сүлүктү шаарынын вице-мэри Марзия Сапаркулова төмөнкүдөй маалымат берди:

Жеке ишкер Байытов Нуридин Жолдошович тарабынан жалпы суммасы 100 миң сомдук азык-түлүк алынып келинип, Сүлүктү шаарынын Бөкөнбаев айылындагы жардамга муктаж 44 үй-бүлөгө 1 каптан 1-сорттогу ун, 5 литрден өсүмдүк майы жана 5 килограммдан макарон акысыз таркатылды.

Сүлүктү шаарындагы «Ашимбай» ЖЧКнун директору Кучаров Тыныбек өзүнүн каражатынан шаардагы 15 аз камсыз болгон үй-бүлөнүн ар бирине жардам катары 2000 сомдук азык-тулук жеткирип берди.

Сүлүктүдөгү жеке менчик, «Молдо Марип» шахтасынын директору Юнусов Абдираим Марипович тарабынан шаарда катталган «контактный» жарандар менен иштеп жаткан аймактык медайымдарга 100 даана стерилденген колкап (перчатки) таркатылды.

Даярдаган: Барчынай Алимова