Улуттук оюндарыбызды олимпиада оюндарынын альтернативасы катары көрөм

Чолпонай Ташиева учурда Түркиянын Стамбул университетинде магистрант. Буга чейин ал Кыргыз-Түрк “Манас” университетинде искусство тармагында билим алган. Алган билимине ылайык, актриса болууну каалабаган Чолпонай, спорт тармагын тандаган. Учурда Түркия, Пакистан өлкөлөрүндө кыргыздын улуттук оюндарын таанытууга салым кошуп, чет өлкөлүктөргө тогуз коргоолдон сабак берип келет. Маектешибиз улуттук спорт оюндары — дүйнөлүк олимпиада оюндарынын альтернативасы болууга тийиш дейт.