Кулатов айыл өкмөтүнүн тургундары «Зордук зомбулука каршы» акциясына активдүү катышышты

Кулатов айыл өкмөтүнүн жыйын залында аялдарга жана балдарга карата «Зордук-зомбулукка каршы» 16 күндүк акциянын алкагында уюштурулган чоң жыйын болуп өттү.

«Бул акцияны өткөрүүнүн негизги максаты калк арасында зордук-зомбулуктун санын азайтуу жана түшүндүрүү иштерин жүргүзүү болду», — деп билдирди акциянын уюштуруучусу Кызыл- Булак мультимедиа борборунун координатору Чынара Нурманова. Жыйынга айыл өкмөт кызматкерлери, мектептердин директорлору, уюштуруучулары, соц педагогдору, бала бакчалардын жетекчилери, айыл башчылар, жергиликтүү кенештин депутаттары коомдук активисттер катышты. Негизги маселе аялдарга болгон зордук- зомбулукту кыскартуунун жолдорун талкуулашты. Кыргызстандагы ишкер аялдар жөнүндө тартылган видеороликтерди көрүшүп, анын үстүндө кызуу талкуу болду. Бул иш чара өтө пайдалуу болгонунун белгилеп, мектептерге да уюштурулуп берүүсүн суранышты катышуучулар. Тиешелүү материалдар катышуучуларга таркатылды.

Даярдаган: Жалалова Таңнуру