Кулатов айыл өкмөтүндө ийримдердин ачылыш аземи болду

Ош облусунун Кулатов айыл өкмөтүндө айыл аймагындагы жашоочулар үчүн маданият үйүндө комуз, аккардеон, пианино, гитара аспаптарын үйрөтүү боюнча ийримдердин ачылыш аземи болуп өттү.

 

Аземге Кулатов айыл өкмөтүнүн башчысы Нуридин Мадумаров, айыл өкмөтүнүн орун басары Данияр Көчкөнбаев жана айылдын жашоочулары ийримдин катышуучулары мектеп окуучулары катышышты. Ийримдин катышуучулары жана ийрим жетекчилери жана Абшыр-Ата айымдары чыгармачылык тобу көрүүчүлөргө таланттарын тартуулашты.

Кулатов айыл өкмөтүнүн башчысы Нуридин Мадимаровдун айтуусунда:

«Биздин айыл өкмөту ЮСАИД долбоору менен ушул ийгиликтүү айыл долбоору иш алып барат. Биз ЮСАИД долбоору менен 2017-жылдан бери ийгиликтүү иштеп келе жатабыз. Мындан мурун ушул жергиликтүү кызмат көрсөтүү долбоору боюнча иш алып бардык. Азыр маданият тармагы боюнча ошол музыкалык ийримдерди уюштуруу аркылуу маданият тармагын көтөрүүгө аракет жасап жатабыз. Бүгүн иш-чара өтүлдү өзүнөр көрдүнөр. Бул жерде айыл өкмөттөгү өнөрпөздөрдүн окуучулардын арасынан комузга, ыр, бийлерге шыгы бар жана ийримге катышкан окуучулардын концерттик программасына күбө болдуңар. Бул ийримдин келечеги мына азыр бул проект бизде 5 жыл иштейт. Мындан аркысын биз өзүбүз алып кетишибиз керек болот албетте. Бул өтө жакшы долбоор. Долбоор өзүнүн ишин аткарып бүткөндөн кийин калган жагын биз өзүбүз алып кетишибиз керек. Мына бизде маданият үйү жакшы, бардык аппаратуралар бар, заманбап, кыскасы бизде бардык шарт барда. Мындан бул жагын алып кетүү айыл өкмөттүн маданий кызматкерлерине байланыштуу.

Данияр Көчкөнбаев: «Бул ийрим жаны эле башталды. Менин оюмча бул балдар айылдын маданий иш чараларына активдүү катышып, элге таланттарын тартуулашат. Анан биз бул ийримдердин жетекчилери менен айыл өкмөтү келишим түзгөн.Ошол келишимде көрсөтүлгөн. Айыл өкмөтүнүн талабы боюнча булар келечекте «Музыкалык мектеп» болоорун пландаштырып жатабыз».

Ачылуу аземдин катышуучулары комуз черткен, гитара менен ырдаган жаш өспүрүмдөрдүн таланттарын көрүп, бул жакшы жөрөлгө экенин белгилеп, иш-чаранын аягында уюштуруучуларга жана айыл өкмөт башчысына терең ыраазычылык билдирип кетишти. Ийрим жуманын иш күндөрү график менен иш алып барат. Ийрим жетекчилери райондун ар тарабынан келишим менен иштешет.

Даярдаган: Кылычбек кызы Гулзина