Кетмен-Дөбө айыл өкмөтүнүн иштери боюнча элдик чогулуш болду

Кетмен-Дөбө айыл өкмөтүнүн 2018-жылда аткарган иштери боюнча элдик чогулуш болду. Чогулуш 21-ноябрь күнү Токтогул райондук мамлекеттик администрациясынын башчысы-акими Майорбек Сатымкулов жана райондук мекеме жетекчилеринин катышуусунда жүрдү.

Кетмен-Дөбө айыл өкмөтүнүн 2018-жылдын 10 ай ичиндеги аткарган иштери боюнча Кетмен-Дөбө айыл өкмөтүнүн башчысы Ильязбек Чороевдин отчеттук маалыматынын негизгилери болуп:

— Терек-Суу айылына салынып жаткан жалпы баасы 10 млн сомдук спорт зал,

— Кырк-Казык айылына курулган  ФАП имараты 2,5 млн сом,

— Чоң-Арык айылынын Мүкөш көчөсүнүн 1600 метр жерине коюлуп жаткан түнкү  жарыктандыруу 800 000 сом,

— Турусбек мектебинин жылытуу системасын оңдоо 1,5 млн сом

— “АРИС” уюму тарабынан келген техникалар: пресподборщик, фронтальный погрузчик, Тратор МТЗ 82.1 техникалары 5 748 000 сом. Мындан сырткары да көп иштерди жасагандыгы жөнүндө айтылды.

Токтогул райондук мамлекеттик администрация башчысы Майорбек Сатымкулов: «Айыл өкмөтүндө аткарылган иштерге токтолуп: жарыктандыруу, жаңы типте салынган турак жайларга, Терек-Суу айылы боюнча элдин жашоо тиричилиги–суусу жылуу, жашоого турмуш шарты бар чоң тойканалар салынып, турмуштун өзгөргөнү көрүнүп турат. Спорт зал салынып бүткөнү турат, бардык өкмөттүн иш- чаралары элдин жашоо тиричилигин жакшыртууга арналган»,- деп кошумчалады.

Чогулуштун жүрүшүндө таза-Суу, таштанды, Турусбек мектебинин кичине корпусун бүткөрүү, электр энергиясы боюнча жана башка көптөгөн элдин көйгөйлөрү болгон маселелер каралып, жыйынтыгында токтом кабыл алынды.

Бул чогулуш боюнча толук маалыматты  ketmendobo.com   сайтынан ала аласыздар.

Даярдаган: Нурбек Мырсырайымов