“Жыргалбек” машыгуучу залында кыздар да машыгып жатышат

151

Талас шаарындагы “Жыргалбек” машыктыруучу залы көптөгөн ийгиликтерди багындырууда.

Талас шаарындагы “Жыргалбек” залына Бишкек шаарынан бери келген  машыктыруучу болуп эмгектенген Жандил Болотбек уулу төмөнкүлөрдү айтты:

“Бул зал 2017-жылдын март айында ачылган, 6 облуста кикбоксинг бар экен. Ал эми Талас облусунда кикбоксинг жок экен. Талас шаарынындагы балдар дагы кикбоксингдин чемпиону болсун деп. Иштөө убактысы 1, 3 жана 5 күндөрү саат 17:00 дон 19:00 чейин иштейт.Бул жакка 6 жаштан баштап келишет. Бул убакытка чейин балдар эле келишчи, азыр кыздар дагы келе башташты. Жетишкен ийгиликтерибиз 4-5 бала Кыргызстандын чемпиону болушту, жакын арада эле Казакстан Республикасына дагы барып биринчиликти алып келишти. Спорттун 2 түрү бар биринчиси күрөш, ал эми экинчиси болсо кикбоксинг”,-деп билдирди Жандил Болотбек уулу.

Кыргызстандын үч жолку чемпиону Саламат Бактыбек уулунун айтымында:

“Мен бул жакка катышканыма 2 жарым жыл болду. Кыргызстандын 3 жолу чемпиону болдум кудай буйруса, бул жакка мен өз каалом менен келдим. Жаш өспүрүмдөргө келгиле, машыккыла жана ден-соолугуңарды чындагыла”,- деп айтты Саламат Бактыбек уулу.

Ал эми кикбоксингге дагы кызыгып катышып жаткан Алтынай Орозбекова дагы өз оюн билдирди:

“Бул жакка катышканыма 2 ай болду. Азырынча ийгиликтерге жетише элекмин, бирок буйруса жетишем деген ойдомун. Бул жакка мен өз каалом менен келдим”,- деп өз оюн айта кетти Алтынай Орозбекова.

Даярдаган: Гулназ Мамырбекова