Талас шаарынын окуучулары кышкы эс алууда

358

Ар бир мезгилдин өзүнүн кооздугу жана керемети бар. Жайкы мезгил жылуулугу, жаз мезгили кооздугу, күз мезгили ар бир жемиштин мөлтүр таза суудай бышып турганы менен бизге жакса, ал эми кыш мезгили аппак таза кары, жана бетти кызарткан ызгаардуу суугу менен айрыкча кичине балдарга жагат. Мисалга алсак, кышында кыш менен кошо кирип келген жаңы жыл майрамы. Ал учурда ар бир көчөдө ар бир үйдө кышка камынгандай жаңы жылды тосуп алууга камынышат, жана ар бир кичинекей балдар чанасын көтөрүп муз тебүүгө же лыжа тебүүгө чыгышат. Жогорудагыдай ар бир мезгил сымал, ар бир мектеп мезгил сайын эс алууга чыгышат жана азыр мектеп окуучуларынын кышкы эс алуу учуру. Аты айтып тургандай мектеп окуучулары эс алууга чоң ата, чоң энесиникине барышат жана алардын арасынан  11-класстын окуучусу Ырыскелдинин айтымында:

«Мен азыркы учурда №1 орто мектепте 11-класста окуйм, жана азыркы кышкы эс алууда досторум менен эс алып, деги эле мурун бүтүрө албай жүргөн иштериме азыр үлгүрүп жатам», дейт Ырыскелди.

Бул кышкы эс алууда мектеп окуучулары менен ата-энелер да эс алууда. Алардын арасынан Самара Жуманалиеванын айтымында:

«Мен кышкы эс алууну абдан жакшы көрөм, балдарым мектептен эс алууга чыгары менен  тайэне, тайатасыныкына жиберем жана мени менен да ар кандай эс алуучу жайларга барышат».

Көптөн күткөн кышкы эс алууда ар бир баланын жүзүндө күлкү болуп тайэне, тайата, чоң эне, чоң аталарынын кучагында олтурган кез.

Даярдаган: Толгонай Тимурова