“Жылдын мыкты мугалими” сынагынын райондук туру Жерге-Тал айылында өткөрүлөт.

1037

wpid-dikash2170.jpg.jpeg

Бул тууралуу сынак өтө турган Асанбек Табалдиев орто мектебинин директору Баатыр Сманбаев билдирди.

Буга чейин өрөөндүк тур Он-Арча айыл окуругунда өткөрүлгөн. Былтыркы сынакка катышып келген А.Табалдиев орто мектебинин мугалими Элина Бейшекеева конкурс тууралуу буларга токтолду :
— “Мыкты мугалим” конкурсунун өткөрүлүп жатканы жакшы деп ойлойм. Себеби, жаш мугалимдер конкурстан көптөгөн тажрыйба топтоп алуу мүмкүнчүлүгүнө ээ болот. Мен өзүм орун албасам да, көптөгөн нерселерди билип кайттым- дейт мугалим Элина Бейшекеева.

Ошондой эле ушул жылга чейин А.Табалдиев орто мектебинен көптөгөн мугалимдер катышып, байгелүү орундарды ээлеп келген.
“Жылдын мыкты мугалими” мамлекеттик сынагы республикада жыл сайын өткөрүлүп келет.
2014-жылы Асанбек Табалдиев орто мектебинин мугалими Айгул Абдыгулова Нарын райондук сынагында баш байгени жеңип алган.

Ал эми аталган мектеп 2014-жылы республикалык сынакта мыкты “Иновациялык мектеп” наамына ээ болгон.

Айзада Койчубекова. “Мейки” жамааттык мультимедиалык борбору.