Бүгүн 21- апрелде Суусамыр айылында Жогорку кеңештин депутаты Туратбек Мадылбековдун эл менен жолугушуусу болду. Чогулушта эң башкы маселе болуп, Бишкек-Ош жолундагы кайрылыштан Суусамыр айылына чейинки жолдун бузулушу көтөрүлдү.
Андан тышкары катышуучулар пенсия, жөлөк пул, жайыт, мал уурулук күчөп жаткандыгын, жазгы айдап-себүү тууралуу айтышты.
Акырында депутат Туратбек Мадылбеков 13 км жолго шагыл-таш түшүрүп оңдотуп берээрин жана арзандатылган күйүүчү май, үрөн алууга жардам берерин айтты. Айыл тургундары «эми жыйынтыгын күтөбүз» дешти.
