Турдубүбү апа мындан жети жыл мурун эле мечиттин курулушуна атайын долбоор даярдаган.
Турдубүбү апа мечиттин курулушуна демөөрчү көп убакыт таба албай жүргөн. Үч жыл мурун БДЖФ (Буткул Дуйнолук Жаштар Федерациясы) доолборго колдоо көрсөтүүгө макулдугун берген. Анын жыйынтыгында БДЖФ 21.000 долларлык долбоордун 30 пайызын айыл тургундарынын салымы менен, калган бөлүгүн болсо өздүк каржылоосуна алган.
Мечиттин курулуш иштери 2014-жылдын апрель айынан башталды. Курулуш иштерине айылдын жаштар уюмунун мүчөлөрү жигердүү жардам көрсөтүүдө.
«Эгерде айыл эли ушинтип жапа тырмак туруп жардам көрсөтүшсө, мечиттин курулушу орозо айына чейин аяктап калат»,-деп Турдубүбү апа белгилеп өттү.
Ошентип Турдубүбү апанын жети жылдык тилеги өз үзүрүн берээр алдында турат.
Авторлор: Алмаз Эшбаев, Жапар Аскаров
