Кызыл-Булак: Кулатов атындагы музейдин курулушу кызуу жүрүүдө

596

Айылыбыздан чыккан Кыргызстандын чыгаан инсаны Төрөбай Кулатовдун ишмердигине арналган музей курулууда. Бул музейдин курулушун «ЭРКА» жоопкерчилиги чектелген ишканасы колго алган. Тендерден утуп алып, азыркы күндө курулуш иштери аяктоо алдында турат.

«Биз үчүн курулуш иши оңойго турган жок. Себеби күн суук болуп, куруучуларыбыз үчүн кыйынга турду»,-дейт «ЭРКА» ЖЧКсынын директору.

image
Төрөбай Кулатов музейинин курулушунан бир көрүнүш
image
Төрөбай Кулатов музейинин куруучулары

Музейдин курулушунда иштеп жаткан Нурбек Абдрахманов Ош облусунун Жапалак айылынан келген. Бул жердеги иши боюнча төмөнкүлөрдү билдирди.

«Мен башкаларга окшоп Россияга барбай эле, өзүбүздүн Кыргызстанда иштөөнү чечтим. Себеби канчалаган кыргыздар жол киресине күйүп кайтып келип жатат. Бул жерде эмгек акыбыз ишибизге жараша 15 миңден 20миң сомго чейин болуп жатат, Үй бүлөмдү багууга жетет»,- дейт Нурбек Абдырахманов.

image
Төрөбай Кулатов музейинин куруучулары
image
Төрөбай Кулатов музейинин куруучулары

Автор: Канболот Абылкасым уулу