Оогон-Талаа: Физика лабораториясынын жоктугунан мугалим теманы плакаттар менен түшүндүрөт

817

Мектепте лаборатория жоктугунан физика мугалими теманы түшүндүрүү үчүн ар кандай плакаттарды чийүүгө аргасыз. Директор лаборатория ачуу үчүн каражаттын жоктугун маалымдады.

image

Физика мугалими Гульнара Кадырова сабакты жакшы түшүнүш үчүн техниканын өтө зарыл экендигин баса белгилеп өттү.

image

«Лаборатория жок. Окуучуларга плакатка схемаларды чийип өтөм», — дейт Кадырова.

Айсулуу Эркинбекова лаборатория жок болгондуктан бир аз кыйналаарын айтып, өз күчү менен иштөөгө аракет кылганын кошумчалады.

image

«Биз лаборатория иштерди китептердеги сүрөттөр менен эжекейдин көргөзмө куралдары менен иштейбиз», — дейт Айсулуу.

Окуучу кыз Диана Турсунбаева кенен маалымат алуу үчүн интернет булактарын колдоноорун айтты.

«Лаборатория жок болгондуктан лаборатория иштерди китептерден жазабыз же интернеттен издейбиз», — дейт Турсунбаева.

image

Ал эми мектептин директору Давлет Өмүрзакова лаборатория ачуу үчүн каражат жетишпестигин айтты.

«Мектеп каражылай албайбыз, ал үчүн кандайдыр бир проект жазып же спонсор табып, ачсак  болот. Башка жолу жок», — дейт директор.

Автор: Эльмира Кубанычбек кызы.
expository essay prompts ged writing essay examples interview essay